ബെയ്ജിങ് : ചൈനയുടെ ' ഡിജിറ്റല് ടെക്നോളജി ' സൈനികാഭ്യാസം അടുത്താഴ്ച നടക്കും. ചൈനീസ് ഹാക്കര്മാരുടെ ആക്രമണത്തെക്കുറിച്ച് ലോകരാജ്യങ്ങള് ആശങ്കപ്പെടുന്ന സമയത്താണ് ചൈനയുടെ ആദ്യ ഡിജിറ്റല് സൈനികാഭ്യാസം നടത്തുന്നത്.
ഉത്തരചൈനയിലെ മംഗോളിയ മേഖലയിലാണ് ഡിജിറ്റല് സാങ്കേതികവിദ്യയുടെ സഹായത്തോടെ പ്രവര്ത്തിക്കുന്ന സൈനികവിഭാഗത്തിന്റെ അഭ്യാസം നടക്കുകയെന്ന് ഔദ്യോഗിക വാര്ത്താ ഏജന്സിയുടെ വാര്ത്താ കുറിപ്പ് പറയുന്നു. ഇലക്ട്രോണിക് കൗണ്ടര് ഫോഴ്സ്, ആര്മി, ദൗത്യസേനകള് തുടങ്ങിയ വിഭാഗങ്ങളാണ് പങ്കെടുക്കുന്നത്.
സൈബര് സുരക്ഷയെക്കുറിച്ച് ചൈനീസ് പ്രസിഡന്റ് സൈ ചിന്പിങ്ങുമായി യു.എസ് പ്രസിഡന്റ് അടുത്താഴ്ച ചര്ച്ചനടത്താനിരിക്കെയാണ് ഈ അഭ്യാസപ്രകടനം. യു.എസ് സൈന്യത്തിന്റെ ഡിജിറ്റല് നെറ്റ് വര്ക്കുകളില് ചൈനീസ് ഹാക്കര്മാര് കടന്നുകയറിയതായ ആരോപണത്തെതുടര്ന്നാണ് ചര്ച്ചകള് നടത്തുന്നത്. എന്നാല് ചൈനീസ് സര്ക്കാര് കടന്നുകയറ്റം നിഷേധിച്ചിട്ടുണ്ട്.
No comments:
Post a Comment