നോക്കിയ ആന്ഡ്രോയിഡ് ഫോണ് നോര്മാന്ഡിയുടെ പുതിയ ചിത്രങ്ങള് ഇവ് ലീക്സ് പുറത്തുവിട്ടിരിക്കുന്നു. ഇത്തവണ ഈവ് ലീക്സ് പുറത്തു വിട്ടിരിക്കുന്ന നോര്മാന്ഡി ചിത്രങ്ങള് നോക്കിയയുടെ ആന്ഡ്രോയിഡ് ഫോണ് എന്ന അഭ്യൂഹത്തിന് കൂടുതല് ശക്തിപകരുന്നു. സ്ക്യ്പ് , വൈബര് എന്നിവ അപ്ലിക്കേഷനുകള് പ്രവര്ത്തിക്കുന്ന സ്ക്രീന് ഷോട്ടുകള് ആണ് അതില് ഉള്ളത്.
പുതിയ ചിത്രങ്ങള് സൂചിപ്പിക്കുന്നത് ഇതൊരു ഡ്യുവല് സിം ഫോണ് ആയിരിക്കും എന്നാണ്. ഫോണിലെ യൂസര് ഇന്റര്ഫേസ് സ്റ്റോക്ക് ആന്ഡ്രോയിഡ് പോലെയല്ല ഉള്ളത്. പകരം വിന്ഡോസ് മൊബൈല് ഒഎസിന്റെയും സിംബിയന് ഒഎസിന്റെയും ഇടകലര്ന്ന ഒരു യൂസര് ഇന്റര്ഫേസ് ആണ് ചിത്രത്തില് കാണുന്നത്.
നോക്കിയ ഫോണ് ഹാര്ഡ്വെയര് മികച്ച നിലവാരം പുലര്ത്തുന്നതാണ് അതിന്റെ കൂടെ ആന്ഡ്രോയിഡ് ഒഎസ് കൂടെ ആവുകയണേല് അത് നോക്കിയ പ്രേമികളുടെ ചിരകാലാഭിലാഷം സാക്ഷാത്കരിച്ച പോലെയാകും. മൈക്രോസോഫ്റ്റ് നോക്കിയയെ ഏറ്റെടുത്തെങ്കിലും നോര്മാന്ഡി പ്രൊജക്റ്റ് ഉപേക്ഷിച്ചിട്ടില്ല എന്നാണ് റിപ്പോര്ട്ട്. വിപണിയെ പ്രകമ്പനം കൊള്ളിക്കാന് സാധിക്കുന്ന ഒരു ഫോണ് ആയിരിക്കും നോര്മാന്ഡി.
